კონფიდენციალურობის პოლიტიკა

შესავალი

წინამდებარე კონფიდენციალურობის პოლიტიკა ადგენს ძირითად პრინციპებს, საფუძველებსა და მიზნებს, რომლის შესაბამისადაც კომპანია ახორციელებს მომხმარებელთა პერსონალური მონაცემების მოპოვებასა და დამუშავებას.  ასევე კონფიდენციალურობის პოლიტიკით დადგენილია მომხმარებლების ძირითადი უფლებები და დაცვის საშუალებები.  

პლატფორმის გამოყენებით ან/და მასზე რეგისტრაციით მომხმარებელი გამოხატავს თანხმობას, რომ მის მიერ გადაცემული პერსონალური მონაცემები დამუშავდეს წინამდებარე პოლიტიკის შესაბამისად.  

მონაცემთა სუბიექტი

წინამდებარე კონფიდენციალურობის პოლიტიკა გამიზნულია პლატფორმის მომხმარებლებისთვის (მათ შორის, ვიზიტორი, რეგისტრირებული, პოტენციური ან/და ყოფილი მომხმარებლები), მომხმარებლების წარმომადგენლებისთვის ან/და საკონტაქტო პირებისთვის და ნებისმიერი პირისთვის, რომელიც უკავშირდება კომპანიას და გამოხატავს ინტერესებს კომპანიის პროდუქციისადმი.

მონაცემთა შეგროვების ფორმა და შეგროვებული მონაცემების სახეები

კომპანია აგროვებს მონაცემთა სუბიექტების პერსონალურ მონაცემებს შემდეგ შემთხვევებში:

• მომხმარებლის მიერ რეგისტრაცია/ავტორიზაცია;
• მომხმარებლის მიმართვა პროდუქციის მიღების მიზნით (მათ შორის, სატელეფონო, ელექტრონული და სხვა ტიპის კომუნიკაცია);
• კომპანიის მიერ მომსახურების გაწევის დროს;
• კომპანიის დისტანციური არხებით სარგებლობა;
• საჯარო წყაროები და მესამე პირები, როდესაც არსებობს აღნიშნულის სამართლებრივი საფუძველი.

კომპანია ახორციელებს მომხმარებლის შემდეგი მონაცემების დამუშავებას:

• საიდენტიფიკაციო მონაცემები (სახელი და გვარი და სხვა მაინდეტიფიცირებელი ინფორმაცია);
• საკონტაქტო ინფორმაცია (მისამართი, ელ.ფოსტა, ტელეფონის ნომერი);
• საბანკო ინფორმაცია (საბანკო ანგარიშის ნომერი და ბარათის დეტალები);
• ინფორმაცია მოწყობილობის შესახებ (IP მისამართი, მზა ჩანაწერები (cookies), IMEI კოდი, აპლიკაციის ლოგები,  ქცევითი მონაცემები, ინფორმაცია ადგილმდებარეობის შესახებ და სხვა;) 
• სხვა ტიპის ჩანაწერები (აუდიო, ვიდეო);
• კომუნიკაციისას მოპოვებული მონაცემები (ელექტრონული ფოსტის, ტელეფონით, ჩატით და სხვა მსგავსი ტიპის საშუალებით მოპოვებული მონაცემები);

მზა ჩანაწერები (Cookies)

კომპანია აგროვებს მზა ჩანაწერებს მომხმარებლის შესახებ. მზა ჩანაწერები (cookies) გამოიყენება ვებ-გვერდითა და სხვა დისტანციური პლატფორმებით სარგებლობისას მომხმარებლის გამოცდილების პერსონალიზირების, გაუმჯობესების და უსაფრთხოების დაცვის მიზნით. კერძოდ, ნავიგაციის გამარტივების, ინფორმაციის სასურველი ფორმატით შეთავაზების, ძებნის პარამეტრების გაუმჯობესების, მომხმარებლის უსაფრთხო ავტორიზაციის, მარკეტინგის, ვებ-გვერდების დიზაინის ოპტიმიზაციისა და მომხმარებლისთვის უკეთესად ადაპტირების მიზნებით. 

მზა ჩანაწერების მეშვეობით კომპანია ადგენს ოპერაციული სისტემის ვერსიას, მოწყობილობის მოდელს და მოწყობილობის სხვა უნიკალურ იდენტიფიკატორებს, ვებ-გვერდებზე გატარებული დროის ხანგრძლივობას, გახსნილი გვერდების შესახებ ინფორმაციას, ონლაინ ნავიგაციის ისტორიას, ბრაუზერის შესახებ ინფორმაციას, ინფორმაციას იმ ქმედებების შესახებ, რომელიც ვებგვერდზე განხორციელდა, რა გეოლოკაციიდან განხორციელდა წვდომა და რა ენაზე გაეცნო მომხმარებელი ინფორმაციას.

მონაცემთა დამუშავების მიზნები

კომპანია მონაცემებს ამუშავებს   მხოლოდ კანონიერი მიზნებისთვის და მათი შესაბამისი მოცულობით. კომპანიის მიერ მონაცემების დამუშავება შესაძლებელია განხორციელდეს სხვადასხვა მიზნით, მათ შორის:

• მომსახურების გასაწევად (მათ შორის, შეკვეთის დამუშავებისთვის, მისი მოტანისთვის და სხვ.);
• მომსახურების შეთავაზებისა და გაუმჯობესებისათვის, რაც, მათ შორის, გულისხმობს შეკვეთების და კალათაში დამატებული პროდუქტების ანალიზს, სტატისტიკური მონაცემების ანალიზს, მომხმარებელთა ქცევას და სხვ.;
• კანონმდებლობით დადგენილ შემთხვევებში და წესით მარეგულირებლის ან სხვა საზედამხედველო ორგანოსათვის და აუდიტორული კომპანიებისთვის მონაცემების ხელმისაწვდომობისთვის;
• სხვადასხვა ანგარიშების, კვლევების ან/და რეპორტების მოსამზადებლად;
• ახალ პროდუქტების, სისტემებისა და მომსახურებების შესამოწმებლად;
• ბრენდების, პროდუქტების და მომსახურების განვითარებისთვის/გაუმჯობესებისთვის;
• მონაცემთა უსაფრთხოების უზრუნველსაყოფად;
• კანონისმიერი ვალდებულებების შესასრულებლად;
• დანაშაულის გამოვლენისა და გამოძიებისთვის, ანგარიშების შესადგენად;
• შესაბამისი კორესპონდენციის/შეტყობინების გაგზავნის/ჩაბარების მიზნით;
• მომხმარებლისგან უკუკავშირის მიღებისა და პრეტენზიებზე რეაგირებისთვის;
• ლეგიტიმური ინტერესის ან/და სამართლებრივი უფლებების დასაცავად.

პირდაპირი მარკეტინგი

წინამდებარე პოლიტიკაზე თანხმობით, მომხმარებელი კომპანიას ანიჭებს უფლებას, რომ მომხმარებლის მიერ კომპანიისთვის გადაცემული პერსონალური მონაცემები (სახელი და გვარი, ტელეფონის ნომერი, ელ.ფოსტა) დამუშავდეს კომპანიის მიერ პირდაპირი მარკეტინგის მიზნებისთვის. აღნიშნული ნიშნავს, რომ  მომხმარებელი მიიღებს სხვადასხვა ტიპის შეთავაზებებსა და მარკეტინგულ შეტყობინებებს კომპანიისგან.

მომხმარებელს პირდაპირი მარკეტინგის შეწყვეტის მოთხოვნა შეუძლია ნებისმიერ დროს. აღნიშნულისთვის მომხმარებელი უნდა დაუკავშირდეს კომპანიას წინამდებარე პოლიტიკაში მითითებული საკონტაქტო ინფორმაციის გამოყენებით.

გარდა ამისა, კომპანიის თითოეულ მარკეტინგულ შეტყობინებას აქვს მისი გათიშვის/გაუქმების ფუნქცია (NO SMS ტელეფონით მიღებული შეტყობინებებისთვის და unsabscribe/გამოწერის გაუქმება - ელ.ფოსტით მიღებული შეტყობინებებისთვის).

პერსონალურ მონაცემთა დამუშავების საფუძვლები

კომპანია პერსონალურ მონაცემებს ამუშავებს შემდეგი საფუძველებით:

• მომხმარებლის ნებაყოფლობითი თანხმობა მონაცემთა დამუშავების თაობაზე;
• კანონმდებლობით გათვალისწინებული ვალდებულებები;
• მომხმარებელთან ხელშეკრულების დასადებად ან არსებული ხელშეკრულების შესასრულებლად მონაცემთა დაცვის აუცილებლობა;
• მომსახურების გასაწევად / განცხადების განსახილველად მონაცემთა დამუშავების საჭიროება;
• კომპანიის ან მესამე პირების კანონიერი ინტერესების დასაცავად მონაცემთა დამუშავების აუცილებლობა;
• მონაცემთა საჯაროდ ხელმისაწვდომობა;

მონაცემების გაზიარება მესამე პირებისთვის

კანონმდებლობით ან ხელშეკრულებით ნაკისრი ვალდებულების შესასრულებლად, შესაბამისი სამართლებრივი საფუძვლის არსებობისას, კომპანიამ შესაძლოა გაუზიაროს მომხმარებლების მონაცემები შემდეგ პირებს:

• მომხმარებლის წარმომადგენელს/კანონიერ წარმომადგენელს;
• გარიგების მონაწილე მხარეებს;
• კანონმდებლობით განსაზღვრულ ორგანოებს;
• მომსახურების პროვაიდერებს - მათ შორის და არამხოლოდ: გარე აუდიტორებს, კონსულტანტებს, მრჩევლებს, საკურიერო ან/და კვლევით ორგანიზაციებს, IT სერვისის მომწოდებლებს, პირებს, რომლებიც ახორციელებ მარკეტინგულ მომსახურეობებს  ან/და სხვა ნებისმიერ მსგავსი ფუნქციის მქონე პირებს.
• მომწოდებელს;

მომხმარებლის უფლებები და შეზღუდვები

მომხმარებელს უფლება აქვს:

• მიიღოს ინფორმაცია დამუშავებული მონაცემების თაობაზე, კერძოდ, რა მონაცემები მუშავდება, რა არის მათი დამუშავების მიზანი და სამართლებრივი საფუძველი, ინფორმაცია მონაცემთა შეგროვების წყაროსა და მონაცემთა გადაცემის შესახებ;
• გაეცნოს თავის შესახებ კომპანიას დაცულ მონაცემებს და მიიღოს პერსონალური მონაცემების შემცველი დოკუმენტების/ჩანაწერების ასლები საქართველოს კანონმდებლობით დაწესებული წესით.
• მოითხოვოს მცდარი, არაზუსტი ან/და არასრული მონაცემების გასწორება, განახლება ან/და შევსება;
• მოითხოვოს მონაცემთა დამუშავების შეწყვეტა, წაშლა ან განადგურება, თუ:
  • გაიხმობს თანხმობას, რომელიც წარმოადგენს მონაცემთა დამუშავების ერთადერთ საფუძველს;
  • მონაცემების დამუშავება აღარ არის საჭირო იმ მიზნისთვის, რომლისთვისაც მოხდა მათი დამუშავება;
  • მონაცემთა დამუშავება ხდება უკანონოდ.
• ნებისმიერ დროს გაითხოვოს/უარი თქვას მონაცემთა დამუშავების თაობაზე.

აღნიშნული უფლებები შესაძლოა შეიზღუდოს, თუ უფლების რეალიზება საფრთხეს უქმნის:

• სახელმწიფო უსაფრთხოების, ინფორმაციული უსაფრთხოებისა და კიბერუსაფრთხოების ან/და თავდაცვის ინტერესებს;
• საზოგადოებრივი უსაფრთხოების ინტერესებს;
• დანაშაულის თავიდან აცილებას, დანაშაულის გამოძიებას, სისხლისსამართლებრივ დევნას, მართლმსაჯულების განხორციელებას;
• მონაცემთა სუბიქეტის ან სხვათა უფლებებსა და თავისუფლებებს;
• სახელმწიფო, კომერციული, პროფესიული და კანონით გათვალისწინებული სხვა სახის საიდუმლოებების დაცვას;

მონაცემთა შენახვის ვადა

კომპანიის მიერ მონაცემები ინახება მომსახურების მთელი პერიოდის განმავლობაში და მომსახურების დასრულების შემდეგ 3 (სამი) წლის განმავლობაში.

ცვლილებები

წინამდებარე დოკუმენტი შესაძლოა შეიცვალოს ცალმხრივად, კომპანიის ინიციატივით ნებისმიერ დროს, რომლის შესახებაც ინფორმაცია დარეგისტრირებულ მომხმარებლებს უნდა ეცნობოთ გონივრული ვადით ადრე, პირად კაბინეტში სავალდებულოდ გასაცნობი შეტყობინების სახით, ელ ფოსტით ან სმს შეტყობინებით.

კონტაქტი