წესები და პირობები

შესავალი

წინამდებარე დოკუმენტი ადგენს პლატფორმის გამოყენების წესებსა და პირობებს და პლატფორმის მომხმარებლის უფლებებს. მომხმარებლის მიერ შეკვეთის განთავსების შემთხვევაში იგი წარმოადგენს ხელშეკრულებას მომხმარებელსა და კომპანიას შორის. 

ტერმინები

კომპანია - საქართველოს კანონმდებლობის შესაბამისად რეგისტრირებული შეზღუდული პასუხისმგებლობის მქონე საზოგადოება “ტამირა,” საიდენტიფიკაციო ნომრით: 416347466, მისამართი: თბილისი, ვანის ქ#3;

მომხმარებელი - ნებისმიერი ფიზიკური ან იურდიული პირი, რომელიც იყენებს პლატფორმას, მათ შორის და არამხოლოდ პლატფორმის ვიზიტორი, რეგისტრირებული მომხმარებელი და ყოფილი მომხმარებელი;

პლატფორმა - ელექტრონული ვაჭრობის პლატფორმა www.tamira.com.ge, რომლის ერთადერთი და კანონიერი მესაკუთრე არის კომპანია;

პროდუქცია - პლატფორმის საშუალებით მომხმარებლისთვის შეთავაზებული ნებისმიერი ნივთი.

მომხმარებლის ანგარიში

პლატფორმით სრულყოფილად სარგებლობისთვის აუცილებელია ანგარიშის შექმნა. ანგარიშის შესაქმნელად მომხმარებელი უნდა მიჰყვეს პლატფორმაზე განთავსებულ ინსტრუქციას, კერძოდ მიუთითოს ყველა აუცილებელი ინფორმაცია და დაეთანხმოს წინამდებარე წესებსა და პირობებს. მომხმარებელი ვალდებულია საჭიროების შემთხვევაში გაიაროს დამატებითი ვერიფიკაცია.

ანგარიშის შექმნის დროს მითითებული ინფორმაციის სისწორეზე/სიზუსტეზე პასუხისმგებელია მომხმარებელი.

კომპანია უფლებამოსილია დამატებით მოსთხოვოს მომხმარებელს მითითებული ინფორმაციის სისწორის/სიზუსტის დადასტურება. მომხმარებელი ვალდებულია გონივრულ ვადაში დააკმაყოფილოს კომპანიის მოთხოვნა და მიაწოდოს მას ყველა აუცილებელი ინფორმაცია.

ანგარიშის დეტალების უსაფრთხო შენახვაზე პასუხისმგებლობა ეკისრება მომხმარებელს. მომხმარებელმა ანგარიშის დეტალები უნდა შეინახოს მესამე პირებისთვის მიუწვდომელ ადგილას. იმ შემთხვევაში თუ მომხმარებელს გაუჩნდება ეჭვი, რომ მესამე პირს აქვს მისი ანგარიშის დეტალები, იგი ვალდებულია დაუყონებლივ შეცვალოს იგი.

პლატფორმა განკუთვნილია მხოლოდ სრულწლოვანი მომხმარებლებისთვის. იმ შემთხვევაში თუ მომხმარებელი არის არასრულწლოვანი, იგი ვალდებულია ანგარიში შექმნას მხოლოდ მშობლის ან/და კანონიერი წარმომადგენლის თანხმობით.

აკრძალულია ერთი პირის მიერ რამდენიმე ანგარიშის შექმნა. მომხმარებელი უფლებამოსილია მართავდეს მხოლოდ ერთ ანგარიშს. კომპანია უფლებას იტოვებს წაშალოს/დაბლოკოს ალტერნატიული ანგარიში/ანგარიშები.

მომხმარებელი პასუხისმგებელი არის ანგარიშით განხორციელებულ ნებისმიერ ქმედებაზე. იმ შემთხვევაში თუ პირი სხვისი სახელითა და მითითებებით ახორციელებს ქმედებს მომხმარებლის ანგარიშიდან, იგულისხმება რომ მას აქვს შესაბამისი უფლებამოსილება იმოქმედოს მომხმარებლის სახელით. კომპანია არ არის პასუხისმგებელი ზიანზე, რომელიც შესაძლოა დადგეს ანგარიშის უნებართვო წვდომის შედეგად. 

მომხმარებელი უფლებამოსილია მოითხოვოს ანგარიშის გაუქმება, რისთვისაც იგი უნდა დაუკავშირდეს კომპანიას. კომპანია მოთხოვნიდან 10 (ათი) სამუშაო დღის ვადაში უზრუნველყოფს ანგარიშის გაუქმებას, გარდა იმ შემთხვევისა თუ მომხმარებელს ერიცხება მიმდინარე დავალიანება. ასეთ შემთხვევაში ანგარიში გაუქმდება მხოლოდ მას შემდეგ, რაც მომხმარებელი სრულად დაფარავს დავალიანებას.

კომპანია უფლებამოსილია გააუქმოს მომხმარებლის ანგარიში თუ არსებობს გონივრული ეჭვი, იმის თაობაზე, რომ მომხმარებელი არღვევს წინამდებარე წესებსა და პირობებს ან საკანონმდებლო მოთხოვნებს ან არსებობს სხვა ლეგიტიმური საფუძველი.

მომხმარებლის განცხადებები და გარანტიები

წინამდებარე წესებსა და პირობებზე დათანხმებით, მომხმარებელი აცხადებს და იძლევა გარანტიას, რომ:

იგი არის ქმედუნარიანი პირი და მის მიერ პლატფორმის გამოყენებით არ ირღვევა გამოსაყენებელი სამართალი, მათ შორის იგი არ არის პირი, ვისზეც ახლა ან სამომავლოდ შესაძლოა გავრცელდეს ეკონომიკური ან/და სავაჭრო სანქციები.

წარმოდგენილი ინფორმაცია არის ზუსტი, არ არის ყალბი, შეცდომაში შემყვანი ან/და არაზუსტი.

იგი არ განახორციელებს ისეთ ქმედებას რაც აკრძალულია ან/და რაიმე ფორმით დაარღვევს პლატფორმის წესებსა და პირობებს, კონფიდენციალურობის პოლიტიკას და სხვა მარეგულირებელ დოკუმენტებს. ამასთანავე იგი არ განახორციელებს სხვა სახის უკანონო, დისკრიმინაციულ ან/და თაღლითურ ქმედებას, რომელიც ლახავს ან/და შესაძლოა შელახოს მესამე პირთა უფლებები.

 შეკვეთა

შეკვეთის განსახორციელებლად მომხმარებელი უნდა მიჰყვეს პლატფორმის ინსტრუქციას.

შეკვეთის განთავსების შემდეგ მომხმარებელი პლატფორმის საშუალებით ინფორმირებულია, რომ შეკვეთა განთავსდა.

შეკვეთის მიღებამდე მომხმარებელი უფლებამოსილია დააკორექტიროს შეკვეთა ან/და გააუქმოს იგი. ამ უფლების უზრუნველსაყოფად მომხმარებელმა უნდა მიმართოს კომპანიას. მომხმარებელი არ არის უფლებამოსილი გააუქმოს შეკვეთა თუ მისი მიწოდების ვადამდე დარჩენილი 1 (ერთი) სამუშაო დღეზე ნაკლები.

კომპანია იტოვებს უფლებას დაუყონებლივ გააუქმოს შეკვეთა თუ არსებობს შეკვეთის გაუქმების ობიექტური საფუძველი, რაც შეიძლება იყოს მარაგების არარსებობა, ტექნიკური შეცდომა პლატფორმაზე, მომხმარებლის მიერ წინამდებარე წესების და პირობების ან/და კანონმდებლობის დარღვევა, თაღლითური შემთხვევა და სხვა ობიექტური საფუძველი.

მომხმარებელს შეკვეთის გაუქმების თაობაზე ეცნობება დაუყონებლივ, მაგრამ არაუგვიანეს 2 (ორი) სამუშაო დღის ვადაში, გარდა იმ შემთხვევისა თუ აღნიშნული არ არის შეზღუდული მარეგულირებელი სამართლით.

გადახდის მეთოდები

მომხმარებელი უფლებამოსილია ისარგებლოს უნაღდო ან ნაღდი ანგარიშსწორებით. ამისათვის მომხმარებელი უნდა მიჰყვეს პლატფორმაზე განთავსებულ ინსტრუქციას.

ანგარიშსწორება ხორციელდება ფინანსური ინსტიტუტის დაცულ არეალში, რომელზეც წვდომა კომპანიას არ აქვს.

შეკვეთის გაუქმების შემთხვევაში, კომპანია იღებს ვალდებულებას დაუბრუნოს მომხმარებელს გადახდილი ღირებულება დაუყონებლივ, მაგრამ არაუმეტეს 14 (თოთხმეტი) კალენდარული დღის ვადაში.

შეკვეთის მიწოდება

მომხმარებლის მოთხოვნის საფუძველზე კომპანია თავად ან კონტრაქტორი საკურიერო კომპანიის საშუალებით ახორციელებს შეკვეთილი პროდუქციის მიწოდებას. კომპანიასა და მომხმარებელს შორის შეთანხმების შემთხვევაში შესაძლებელია მომხმარებელმა თავად უზრუნველყოს პროდუქციის ტრანსპორტირება კომპანიის საწყობიდან.

იმ შემთხვევაში თუ კომპანია თავად ან კონტრაქტორი საკურიერო კომპანიის საშუალებით ახორციელებს შეკვეთის მიწოდებას, პროდუქციის უსაფრთხო ტრანსპორტირებაზე პასუხისმგებელია კომპანია. ხოლო იმ შემთხვევაში თუ მომხმარებელს თავად მიაქვს შეკვეთა კომპანიის საწყობიდან, კომპანიის პასუხისმგებლობა პროდუქციის ტრანსპორტირებაზე სრულად გამოირიცხება.

შეკვეთის მიწოდების ვადები დამოკიდებულია პროდუქციაზე. იმ შემთხვევაში თუ შეკვეთილი პროდუქცია არის საქართველოში, მისი მომხმარებლისთვის ჩაბარება მოხდება 2-5 სამუშაო დღეში. იშვიათ შემთხვევებში შესაძლებელია პროდუქციის მიწოდებას დასჭირდეს უფრო მეტი დრო, მაგრამ არაუმეტეს 20 (ოცი) კალენდარული დღისა.

თუ შეკვეთილი პროდუქცია არ არის საქართველოში, მისი მომხმარებლისთვის მიწოდების ვადა განსხვავებულია, რის თაობაზეც კომპანია მომხმარებელს შეატყობინებს დამატებით შეკვეთის განხორციელების შემდეგ. იმ შემთხვევაში თუ მომხმარებლისთვის მისაღები არ არის მიწოდების ვადები, მან უნდა გააუქმოს შეკვეთა. ინდივიდუალური შეკვეთის პირობები დამატებით თანხმდება მომხმარებელსა და კომპანიას შორის.

პროდუქციის აღწერაში გაკეთებულია დამატებით აღნიშვნა პროდუქციის ადგილმდებარეობის თაობაზე. შესაბამისად, შეკვეთის განთავსების დროს მომხმარებელი ინფორმირებულია პროდუქცია არის საქართველოში თუ კომპანიას დასჭირდება მისი გამოწერა და შემოტანა საქართველოში, მისი მომხმარებლისთვის გადაცემის მიზნით.  

შეკვეთის მიწოდება განხორციელდება სადარბაზოს კარამდე. შეკვეთის მიწოდება არ ფარავს პროდუქციის ატანის/გადაზიდვის მომსახურებას.

შეკვეთა უნდა ჩაიბაროს თავად მომხმარებელმა. იმ შემთხვევაში თუ მომხმარებელს სურს შეკვეთა ჩაიბაროს მესამე პირმა, მან დაუყონებლივ უნდა აცნობოს აღნიშნულის თაობაზე კომპანიას და მიაწოდოს ასეთი მესამე პირის/უფლებამოსილი პირის რეკვიზიტები: სახელი და გვარი, ტელეფონის ნომერი და მისამართი.

შეკვეთის მიწოდების დროს მომხმარებელი/უფლებამოსილი პირი ვალდებულია დაათვალიეროს პროდუქცია და დარწმუნდეს, რომ იგი სრულად შეესაბამება შეკვეთას და მას არ აქვს ვიზუალური/ხილული ნაკლი. იმ შემთხვევაში თუ პროდუქციას აქვს ნაკლი, მომხმარებელმა/უფლებამოსილმა პირმა არ უნდა ჩაიბაროს იგი და დაუყონებლივ დაუკავშირდეს კომპანიას. პროდუქციის მიღების დროს მომხმარებელი/უფლებამოსილი პირი ვალდებულია ხელი მოაწეროს პროდუქციის მიღების აქტს.

პროდუქციის უპირობო დაბრუნების უფლება

პროდუქციის უპირობო დაბრუნების უფლებით შეიძლება ისარგებლონ მხოლოდ იმ მომხმარებლებმა, რომლებიც არიან ფიზიკური პირები. აღნიშნული უფლება არ ვრცელდება მომხმარებლებზე, რომლებიც არიან იურდიული პირები.

მომხმარებელს უფლება აქვს პროდუქციის მიღებიდან 14 (თოთხმეტი) კალენდარული დღის ვადაში დაუბრუნოს იგი კომპანიას ნებისმიერი მიზეზით, ყოველგვარი საფუძვლის მითითების გარეშე.

დაბრუნების სურვილის არსებობის შემთხვევაში მომხმარებელი ვალდებულია შეავსოს დაბრუნების ფორმა.

მომხმარებელი ვალდებულია თავად უზრუნველყოს პროდუქციის ტრანსპორტირება და დაუბრუნოს კომპანიას ან კომპანიის მიერ განსაზღვრულ მესამე პირს პროდუქცია დაბრუნების მოთხოვნის დაფიქსირებიდან 7 (შვიდი) კალენდარულ დღეში შემდეგ მისამართზე: თბილისი, ვანის ქ#3

მომხმარებელი ვალდებულია სრულად დააბრუნოს პროდუქცია კომპანიას ყველა თანდართულ დოკუმენტთან ერთად.

კომპანია ვალდებულია პროდუქციის უკან დაბრუნების შეტყობინების მიღებიდან 14 (თოთხმეტი) კალენდარული დღის განმავლობაში, უკან დაუბრუნოს მომხმარებელს მის მიერ გადახდილი თანხა. კომპანია უფლებას იტოვებს უარი თქვას თანხის დაბრუნებაზე, მანამ სანამ იგი ან მის მიერ განსაზღვრული მესამე პირი არ ჩაიბარებს პროდუქციას ან იგი მომხმარებლისგან არ მიიღებს პროდუქციის გაგზავნის დამადასტურებელ დოკუმენტს,  იმის მიხედვით, რომელიც უფრო ადრე განხორციელდება.

თანხის ანაზღაურება მოხდება გადახდის იმავე საშუალებებით, რომელიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს.

მომხმარებლის მიერ პროდუქციაზე უარის თქმა და მისი დაბრუნება ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას.

მომხმარებელს არ აქვს უფლება მოითხოვოს პროდუქციის დაბრუნება შემდეგ შემთხვევებში:

• მიწოდებული პროდუქციის ფასი დამოკიდებულია ფინანსურ ბაზარზე არსებულ ცვლილებაზე, რომელსაც კომპანია ვერ აკონტროლებს და რომელიც წარმოიშვა წინამდებარე დოკუმენტით დადგენილ ვადაში.
• პროდუქცია მომხმარებლის ინდივიდუალური შეკვეთით არის დამზადებული/შესრულებული.
• მიწოდებული პროდუქცია მალფუჭებადია ან მას მოკლე ვარგისობის ვადა აქვს.
• მომხმარებელს მიეწოდა ჰერმეტულად დაცული პროდუქცია, მისი ჰერმეტულობა მიწოდების შემდეგ დაირღვა და, ამდენად, პროდუქციის დაბრუნება შეუძლებელია ჯანმრთელობის ან ჰიგიენური ნორმების დაცვის გამო.
• მიწოდებული პროდუქცია მიწოდების დროს, მისი მახასიათებლებიდან გამომდინარე, განუყოფლად შეერწყა სხვა პროდუქციას.
• დალუქული აუდიო ან ვიდეოჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა.
• ჟურნალ-გაზეთები ან სხვა სახის პერიოდული გამოცემა.
• მომხმარებელმა საჯარო აუქციონის შედეგად შეიძინა პროდუქცია.
• მომხმარებელს ციფრული შინაარსი მიეწოდა არამყარი მატარებლით და ხელშეკრულების შესრულება მომხმარებლის წინასწარი თანხმობით დაიწყო.
• 30 ლარამდე ღირებულების პროდუქცია.

კომპანია უფლებამოსილია პროპორციულად შეამციროს მომხმარებლისთვის დასაბრუნებელი ღირებულება, თუ მომხმარებლის მიერ პროდუქცია არის გამოყენებული და იგი დაბრუნებისას არ არის პირველად მდგომარეობაში.

პროდუქციის უკან დაბრუნების ფორმა

შეძენილი პროდუქციის უკან დაბრუნების მიზნით გთხოვთ გადახვიდეთ ქვემოთ მოყვანილ ბმულზე და შეავსოთ უკან დაბრუნების ფორმა

კომპანიის პასუხისმგებლობის შეზღუდვა

კომპანია არ იძლევა გარანტიას, რომ პლატფორმა იქნება მუდმივად ხელმისაწვდომი ან/და ყოველთვის იმუშავებს შეფერხების გარეშე, თუმცა, პასუხს აგებს პლატფორმის გაუმართაობით გამოწვეული ზიანისათვის, რომლითაც დაირღვა „მომხმარებლის უფლებების შესახებ“ საქართველოს კანონითა და „ელექტრონული კომერციის შესახებ“ საქართველოს კანონით გათვალისწინებული მომხმარებლის უფლებები.

ინტელექტუალური საკუთრების დაცვა

მომხმარებელმა არ უნდა განახორციელოს ისეთი ქმედება, რაც ხელყოფს პლატფორმის ან ნებისმიერი მესამე მხარის მფლობელობაში არსებული ინტელექტუალური საკუთრების უფლებებს. დაუშვებელია პლატფორმაზე მითითებული ნებისმიერი ინფორმაციის/შინაარსის, მათ შორის ლოგოს, გრაფიკის, სურათის, გამოსახულების, პატენტის, სასაქონლო ნიშნების, დიზაინის, კომპანიის მიერ შექმნილი ვიზუალური მედიის, პლატფორმის დიზაინის, პროგრამული უზრუნველყოფის ნაკრების, ძირითად პროგრამული კოდების, პროგრამული უზრუნველყოფისა და სხვა ინტელექტუალური საკუთრების (რეგისტრირებული, ან არარეგისტრირებული) უნებართვო გამოყენება, დამუშავება ან/და გამოქვეყნება (მათ შორის სოციალურ მედიაში)  კომპანიის წინასწარი წერილობითი თანხმობის გარეშე.  პლატფორმის კონტენტის ნებისმიერი რეპროდუქცია, განცხადება, გავრცელება ან ხელახლა გავრცელება, სრულად ან ნაწილობრივ, ნებისმიერი საშუალებით (მათ შორის, ქეშირება, შექმნა), გაყიდვა, გადაყიდვა, განმეორებითი გადაცემა ან მესამე მხარეებისთვის არ არის დაშვებული. იმ შემთხვევაში, თუკი შესაძლებელია პლატფორმაზე განთავსებული რაიმე მასალის გადმოწერა ან ბეჭდვა, მაშინ ასეთი მასალის გადმოწერა შესაძლებელია მხოლოდ ერთ აპარატზე და მხოლოდ მომხმარებლის პერსონალური, არაკომერციული მიზნით გამოყენებისთვის.

დავა/კანონმდებლობა

მომხმარებელსა და კომპანიას შორის ურთიერთობა რეგულირდება საქართველოს კანონმდებლობის შესაბამისად.

პრეტენზიის არსებობის შემთხვევაში მომხმარებელი უფლებამოსილია მიმართოს კომპანიას წერილობით ამ წესები და პირობებით განსაზღვრული საკონტაქტო ინფორმაციის გამოყენებით. პრეტენზიის მიღებიდან არაუმეტეს 14 (თოთხმეტი) კალენდარული დღის ვადაში განიხილავს მომხმარებლის პრეტენზიას და დაუბრუნდება უკუკავშირით.

ნებისმიერი დავა გადაწყდება მოლაპარაკების გზით. იმ შემთხვევაში თუ მოლაპარაკება იქნება წარუმატებელი, მომხმარებელი უფლებამოსილია მიმართოს სსიპ - საქართველოს კონკურენციის და მომხმარებლის დაცვის სააგენტოს (დავის შინაარსის გათვალისწინებით) ან პირდაპირ სასამართლოს.

ცვლილებები/დამატებები

წინამდებარე დოკუმენტი შესაძლოა შეიცვალოს ცალმხრივად, კომპანიის ინიციატივით ნებისმიერ დროს, რომლის შესახებაც ინფორმაცია დარეგისტრირებულ მომხმარებლებს უნდა ეცნობოთ გონივრული ვადით ადრე, პირად კაბინეტში სავალდებულოდ გასაცნობი შეტყობინების სახით, ელ ფოსტით ან სმს შეტყობინებით.

კონტაქტი